O始zbekiston Respublikasi Fanlar akademiyasi Botanika instituti huzuridagi akad. F.N. Rusanov nomidagi Toshkent Botanika bog始i tomonidan o始simliklarni introduksiya qilish, iqlimga moslash, biologik xilma-xillikni saqlash va jamoatchilikni tabiatni muhofaza qilish faoliyatiga keng jalb qilish bo始yicha 20 dan ortiq, shu jumladan, Germaniya, 袗vstriya, Fransiya, 袗QSh Rossiya, Polsha Islandiya, Nedirlandiya, Shveytsariya, Ispaniya va boshqa davlatlarning botanika bog始lari bilan hamkorlikni rivojlantirish yuzasidan muayyan ishlar amalga oshirilmoqda.
Toshkent Botanika bog始i 2012-yildan Xalqaro Fanlar akademiyasi assotsiatsiyasi qoshidagi MDH Botinika bog始lari Kengashi a始zosi hisoblanadi. Toshkent botanika bog始ining 2020-yil faoliyati yakuni bo始yicha ma始lumot chop etiladigan Kengash Byulletenga kiritish uchun yo始llangan.
Toshkent Botanika bog始i 118 ta davlatlardagi 800 ta botanika bog始lari bilan ish olib boruvchi hamda o始simliklarni saqlab qolish bo始yicha o始zaro hamkorligi dunyodagi eng katta tarmoqni tashkil etuvchi Xalqari Botanika bog始larini himoya qilish (BGCI, London) tashkilotiga a始zolikka qabul qilish bo始yicha ma始lumotlar taqdim etilgan edi.
2021-yilning may oyida Toshkent Botanika bog始i Xalqaro Botanika bog始larini himoya qilish (Botanic Gardens Conservation International) tashkilotiga a始zolikka qabul qilindi. Bu jahon botanika bog始lari bilan ilmiy-tadqiqot sohasidagi hamkorlik, o始zaro tajriba almashinuv va salohiyatli ilmiy kadrlar yetishtirish doirasida qo始yilgan dastlabki katta qadam sifatida baholanadi.
Botanic Gardens Conservation International tashkiloti 1987-yilda jahon miqiyosida o始simliklarni himoya qilish maqsadida tashkil yetilgan bo始lib, ayni paytda jahonning 100 dan ortiq mamlakatlari botanika bog始larini o始zida jamlagan. Mazkur tashkilot noyob va yo始qolib borayotgan o始simlik turlarini saqlash, introduktsiya qilish, ko始paytirish, biohilma-xillikni saqlashga jamoatchilik ye始tiborini jalb qilish va botanika bog始larida ilmiy salohiyatni yanada oshirish bo始yicha faoliyat yuritadi.
Ma始lumot o始rnida, O始zR F袗 Botanika instituti huzuridagi akademik F.N. Rusanov nomidagi Toshkent Botanika bog始i davlat ilmiy muassasasi sifatida 1950-yilda asos solingan bo始lib, undagi 3 ta ilmiy laboratoriyada 9 ta ilmiy darajaga yega ilmiy xodimlar faoliyat yuritmoqda. O始tgan bir yil mobaynida 2 ta ilmiy loyihalar doirasida ilmiy xodimlar tomonidan 2 ta monografiya va 17 ta xalqaro jurnallarda maqolalar chop yetilgan. Shuningdek, bog始da 2450 dan ortiq o始simlik turlari mavjud bo始lib, ulardan 100 dan ortiq turi O始zbekiston Respublikasi Qizil kitobiga kiritilgan noyob va yo始qolib borayotgan hamda yendemik turlardir.
Kelgusida xalqaro hamkorlik natijasida O始zbek-Xitoy piyozlar bog始ining (Global Allium Garden in Tashkent center) mantiqiy davomi sifatida yovvoyi lolalar va shirachlar bog始ini tashkil yetish rejalashtirilgan.
ArbNet – Xalqaro Arboretum akkreditatsiyasi va aloqalari dasturi.. ArbNet dasturi Morton Arboretum orqali sheriklar - Amerika jamoat bog始lari assotsiatsiyasi va Botanika bog始larini saqlash xalqaro tashkiloti bilan qo始llab-quvvatlanadi va muvofiqlashtiriladi.
Bu dendrariy, botanika bog始larining halqaro hamjamiyati. Uning dastur va grantlari orqali Botanika bog始lari faoliyatini samaradorligini oshirish, o始simliklar muhofazasi, tajriba almashish imkoniyatini beradi.
Yo始nalishlari:
-Botanika bog始larini uzoq muddatli strategiyalarini ishlab chiqarish;
-Park va dendrariylarni boshqarish halqaro standartlari;
-Dasturlash va daraxtshunoslik;
-Turlar almashinuvi va ularni muhofaza qilish.
IUCN Red List – Tabiatni muhofaza qilish xalqaro uyushmasining qizil ro始yxati
Kamyob va yo始qolib borayotgan o始simliklarni xalqaro ro始yxatga kiritish, ularni saqlab qolish chora-tadbirlarini ishlab chiqish, muhofaza qilish va ko始paytirish uchun turli loyihalarni amalga oshiradi.
IUCN – halqaro qizil kitobga o始zbekiston florasiga mansub turlarni kiritib borish, noyob va endem turlarni IUCN talablari darajasida baholab borish maqsadida hamkorlik ishlari olib borilmoqda. IUCN mutaxassisi Devid 袗llen bilan kategoriyalar va elektron platformani kerakli ma始lumotlar bilan to始ldirish bo始yicha onlayn konsul褜tatsiyalar olib borilmoqda.
2018-yil 1-mayda Toshkent Botanika bog始i hamda Janubiy Koreya Respublikasining Bekdudegan milliy arboretum bilan biologik xilma-xillikni saqlash maqsadida xalqaro alohalarni yo始lga qo始yish yuzasidan hamkorlik memorandum imzolandi.
Xalqaro hamkorlikni kengaytirish maqsadida 2019-yil 17-oktyabrda Toshkent Botanika bog始i hamda Janubiy Koreya Respublikasining Koreya milliy arboretum bilan biologik xilma-xillikni saqlash, urug始chilik genofondini rivojlantirish maqsadida xalqaro alohalarni yo始lga qo始yish yuzasidan hamkorlik memorandum imzolandi.
2018-2020-yillarda Toshkent botanika bog始i mutaxassislari tomonidan O始zbekiston shaharlarini ko始kalamzorlashtirish bo始yicha qo始llanma, 袗vtomobil yo始l yoqalarini ko始kalamzorlashtirishda foydalaniladigan daraxt va butalarni yetishtirish bo始yicha qo始llanma va Davlat o始rmon fondiga kirmaydigan yerlarda daraxt va butalarni xatlovdan o始tkazish bo始yicha qo始llanma ishlab chiqildi.
2021-yilning iyun oyida Toshkent botanika bog始iga M.V. Lomonosov nomidagi Moskva davlat universiteti Botanika bog始i direktori V.V. Chub va ilmiy xodimlari tashrif buyurishdi va Toshkent botanika bog始i rahbariyati bilan uchrashdilar hamda Toshkent botanika bog始i kolleksiyasini to始ldirish uchun lolaning 11 ta yangi navlari ning piyozini taqdim etdi.
Uchrashuv yakuni bo始yicha O始zbekiston Respublikasi Fanlar akademiyasi Botanika instituti huzuridagi akad. F.N. Rusanov nomidagi Toshkent Botanika bog始i va M.V. Lomonosov nomidagi Moskva davlat universiteti Botanika bog始i o始rtasida tabiiy florani, manzarali, dorivor va boshqa foydali o始simliklarni himoya qilish va takror yetishtirish, o始zaro tajriba va ilmiy-tadqiqot sohasida axboroti almashish bo始yicha hamkorlik qilish to始g始risida Memorandum imzolandi.
