O始zR F袗 Zoologiya instituti Entomologiya laboratoriyasi xodimlarining Termiz davat universiteti Tabiiy fanlar fakulteti Zoologiya kafedrasiga tashrifi amalga oshirildi.
Tashrif davomida “O始zbekiston entomofaunasining xilma-xilligini o始rganish hamda zamonaviy holatini baholash” mavzusida ilmiy seminar tashkil etildi. Seminarda b.f.d. Gulnora Mirzayeva tomonidan O始zR F袗 Zoologiya institutida olib borilayotgan ilmiy tadqiqotlar, xorijiy aloqalar, OTMlar bilan ilm-fan va ta始lim integratsiyasi borasida amalga oshirilayotgan ishlar haqida ma’lumot berildi.
TerDU talabalarini Entomologiya sohasiga qiziqishlarini uyg始otish, ilm-fanga yo始naltirish yuzasidan targ始ibot-tashviqot qilish maqsadida hasharotlarni tabiatdan yig始ish, tog始li hududlarda tarqalgan hasharotlar entomofaunasini o始rganish, turli yorug始lik tutqichlaridan foydalangan holda tungi hasharotlarni yig始ish va suvda yashovchi hasharotlarni yig始ish usullari bo始yicha b.f.f.d., (PhD) Dilshod Musaev hamda ilmiy xodim 袗skar 袗xmedovlar tomonidan master klasslar o始tkazildi.
Shuningdek, iqtidorli magistr va bakalavr talabalarga Xitoy Fanlar akademiyasi tomonidan e始lon qilingan UCAS va CAS TWAS dasturi bo’yicha seminar treninglar o始tkazildi.
Seminardan so始ng, Termiz davlat universiteti Tabiiy fanlar fakulteti dekani b.f.d. 袗lisher Xurramov, Zoologiya kafedrasi mudiri b.f.n. Xasan Tangirov, kafedra professor o始qituvchilari, magistr va bakalavr talabalari bilan yoshlarni ilm-fanga yo始naltirish, sohada mavjud muammolar va kelajakdagi istiqbolli rejalar yuzasidan davra suhbatlari, uchrashuvlar tashkil etilib, o始quv va laboratoriya xonalariga tashriflar amalga oshirildi.
