O’zR FA Genomika va bioinformatika markazi olimlari tomonidan SARS-Cov-2ning oqsil boʼlagining uch sohasi: pcDNA3. 1 (+) plazmidasiga qoʼyilgan NTD, RBD va HR1-HR2 vaksinasini ishlab chiqildi. Markaz olimlarining mazkur vaksinasi Jahon sogʼliqni saqlash tashkilotining nomzod vaktsinalar roʼyxatiga kiritildi. Hozirda vaksina klinik oldi sinovlaridan oʼtmoqda.
JSSTning maʼlumotlar bazasi COVID-19ga qarshi vaksina-nomzodlari toʼgʼrisida toʼliq maʼlumotlarni yigʼib boradi. Mazkur baza muntazam ravishda — haftasiga ikki marta yangilanadi. Unda COVID-19ga qarshi nomzod-vaksinalarning klinik va klinik oldi jadvali keltirilgan boʼlib, nomzod-vaksinalarni tahlil qilish imkoniyatini beradi. Har bir vaksinaning 1-faza, 2-faza va 3-faza sinovlari kuzatiladi. Vaksinalarning xavfsizligi va samaradorligi toʼgʼrisidagi ilmiy maqolalarga havolalar beriladi. Shuningdek, bu baza har bir nomzod-vaksinaning asosiy xususiyatlari toʼgʼrisidagi maʼlumotlarni oʼz ichiga oladi.
Oʼz navbatida mazkur platforma orqali COVID-19 qarshi yaratilayotgan vaksinalar turli kriteriylar, xususan, vaksina platformasi, vaksinatsiya grafigi, qoʼllash usuli, ishlab chiqaruvchisi, sinov fazasi, klinik natijalar boʼyicha tasniflangan.
ma'lumot o'rnida: JSSTning 16-apreldagi maʼlumotlariga koʼra, 88 ta vaksinaga klinik sinovlardan oʼtishga ruxsat berilgan, 184 ta vaksina klinik oldi sinovlari bosqichida turibdi. 184 tadan 16 tasi DNK vaksinalardir.
