Xabaringiz bormi, yoʼqmi: “Qadring baland boʼlsin, ona tilim” anʼanaviy tanlovi bu yil oʼzbek tilini rivojlantirishga doir ilmiy faoliyatni ragʼbatlantirish maqsadida “Oʼzbek tilini rivojlantirishga doir eng yaxshi ilmiy-amaliy loyiha” nominatsiyasini ham eʼlon qilgan.
Ilmiy ishlanmalaringiz, loyihalaringiz, monografiya, taqdimot va boshqa shu yoʼnalishdagi natijalaringizni tanlovga yuboring. Bu nafaqat biron sovgʼalik boʼlish, balki, eng avvalo, sizni olim, tadqiqotchi sifatida keng maydonga chiqishingiz va eʼtirof qozonishingiz uchun bir imkoniyat.
Tanlov Innovatsion rivojlanish vazirligi, Vazirlar Mahkamasining Maʼnaviyat va davlat tilini rivojlantirish masalalari departamenti hamda Oʼzbek tilini rivojlantirish jamgʼarmasi bilan hamkorlikda oʼtkazilmoqda.
Tanlovga taqdim etiladigan ilmiy loyihalar til-tanlov@mininnovation.uz elektron pochtasi orqali joriy yilning 31 iyuliga qadar faqat elektron shaklda qabul qilinadi.
Tanlov bilan bogʼliq masalalar boʼyicha Innovatsion rivojlanish vazirligining qoʼllab-quvvatlash xizmati: +99871 203-32-23 (232).
Batafsil: https://mininnovation.uz/uz/competitions/3174
