OʼzR FА Oʼzbekiston tarixi davlat muzeyida atoqli tarixchi ustoz, tarix fanlari doktori, professor Dono Ziyoyeva xotirasiga bagʼishlab nashr etilgan "Ziyo nurin taratib" kitobining taqdimoti oʼtkazildi. Taqdimotda ustoz olimaning yaqinlari, shogirdlari va hamkasblari ishtirok etdi.
Ushbu kitobdan atoqli olima, tarix fanlari doktori, professor, Fanlar akademiyasi Tarix institutining bosh ilmiy xodimi Dono Ziyoyevaning (1961 – 2021-yillar) hayoti va ilmiy ustozlik faoliyati haqida oila aʼzolari, ustozlari, hamkasblari, shogirdlarining xotiralari oʼrin olgan.
Esdaliklarda butun umrini oʼzbek xalqi va davlatchiligi oʼtmishini oʼrganishga, tarix ilmi va taʼlimi rivojiga bagʼishlagan fidoyi insonning yorqin siymosi gavdalangan.
