Maʼlumki, davlat rahbarining 2020-yilda 31-yanvar Murojaatnomada belgilangan 4 ta fan yoʼnalishi boʼyicha olimlar bilan boʼlgan uchrashuvida soha boʼyicha qilinayotgan ishlar, muammolar, ularning yechimlari toʼgʼrisida gap bordi. Uchrashuv soʼnggida ushbu sohalarni rivojlantirish maqsadida Fanlar akademiyasiga qarashli ilmiy-tadqiqot muassasalarini isteʼmolchi tashkilotlarga biriktirib berish, olimlar bilan isteʼmolchi tashkilotlar oʼrtasidagi aloqalarni muntazam aloqasini taʼminlash boʼyicha topshiriqlar berildi.
Shunga koʼra, OʼzR FА Genomika va bioinformatika markazida “Oʼztoʼqimachiliksanoat” uyushmasi hamda “Oʼzpaxtasanoat” aksiyadorlik jamiyati rahbarlari ishtirokida uchrashuv oʼtkazildi.
Uchrashuvning asosiy mohiyati olimlar tomonidan yaratilayotgan yangi ishlanmalarni moliyalashtirish orqali ishlab chiqarishga tadbiq etish, bu borada mavjud muammolarni hal etish va isteʼmolchi tashkilotchilar hamda olimlar oʼrtasidagi aloqalarni doimiy yoʼlga qoʼyishdan iborat boʼldi.
