Oʼzbekiston Respublikasi davlat mustaqilligining 30 yilligi arafasida Oʼzbekistonning eng yangi tarixi masalalari boʼyicha Muvofiqlashtiruvchi-metodik markaz tomonidan 2021-yil 23-avgust kuni “Yangi Oʼzbekiston: milliy taraqqiyot va xalqaro integratsiya” mavzusida respublika onlayn ilmiy anjumani oʼtkazildi.
Tadbirda Fanlar akademiyasidan vitse-prezident, professor Bahrom Аbduhalimov, Tarix instituti katta ilmiy xodimi, tarix fanlari nomzodi Shavkat Rahmatullayev, Qoraqalpoq gumanitar fanlar ilmiy tadqiqot instituti boʼlim mudiri, tarix fanlari nomzodi Аskar Djumashev, Oʼzbekiston Xalqaro islom akademiyasidan kafedra mudiri, siyosiy fanlar doktori Zohidillo Munavvarov, Ichki ishlar vazirligi akademiyasidan kafedra boshligʼi, professor Karine Djavakova oʼz maʼruzalari bilan ishtirok etishdi. Maʼruzalarning asosiy qismi har bir sohada rivojlanayotgan xalqaro hamkorlik, dunyo hamjamiyatiga integratsiya jarayonlari faollashishi masalalariga bagʼishlandi. Tadbir Markaz tomonidan 2021-yil davomida oʼtkaziladigan “Yangi Oʼzbekiston” turkumidan onlayn anjumanlarni boshlab berishi taʼkidlandi.
