Maʼlumki, Oʼzbekiston Respublikasi Prezidenti Sh.Mirziyoyevning 2017-yil 1-noyabrdagi “Ilmiy-tadqiqot muassasalarining infratuzilmasini yanada mustahkamlash va innovatsion faoliyatini rivojlantirish chora-tadbirlari toʼgʼrisida”gi 3365-sonli qarori asosida FА ilmiy-tadqiqot muassasalarining moddiy-texnik bazasi bosqichma-bosqich mustahkamlanmoqda.
Bugungi kunga qadar mazkur qaror asosida xarid qilingan laboratoriya jihozlari toʼliq ishga tushirilgan va ularda ilmiy-tadqiqot ishlari olib borilmoqda.
Xususan, Innovatsion rivojlanish vazirligi Аxborot xizmati tomonidan taqdim qilingan maʼlumotga (https://kun.uz/news/2021/10/18/innovatsiya-vazirligi-yetkazib-bergan-664-ming-dollarlik-ilmiy-laboratoriya-asbob-uskunalari-ishlatilmayotgani-aniqlandi) javoban quyidagilarni maʼlum qilamiz:
Oʼzbekiston Respublikasi Fanlar akademiyasi Polimerlar kimyosi va fizikasi institutiga Germaniyaning “ERVEKА” kompaniyasining “AR-403” universal qurilmasi xarid qilingan.
Mazkur AR-403 qurilmasi asosan tibbiyotda qoʼllaniladigan polimer tarkibli preparatlar olishda ishlatiladi. Ushbu qurilmada polimer eritmalarini tayyorlash, ularni tozalash, polimer tarkibiga biologik faol preparatlar kiritish reaktsiyalarini olib borish, hosil boʼlgan polimer tarkibli preparatlarni ajratib olish, tozalash, maydalash ishlarini amalga oshirish imkoniyatlarini beradi. Bugungi kunda ushbu qurilma toʼliq ishga tushirilgan boʼlib, unda tozalangan KMTs, “Poliardez” dezinfektsiya vositasini va virusli kasalliklarga qarshi “GlazАvir” koʼz plyonkalarini olish boʼyicha tadqiqotlar olib borilmoqda.
Umumiy va noorganik kimyo institutiga yetkazib berilgan 6 turdagi ilmiy asbob-uskunalar montaj qilib, 2021-yilning avgust oyida ishga tushirildi va mazkur uskunalarda ilmiy-tadqiqot ishlari olib borilmoqda. Jumladan, ISP-OS Agilent 5800 qurilmasidan yangi sintez qilib olingan biologik faol birikmalar tarkibidagi mirkoelementlar (Cu, Ni, So, Fe, Mn va boshqalar)ning sifat va miqdor analizlari uchun foydalanilmoqda. Shu bilan birga, Olmaliq Kon-metallurgiya va Navoiy kon-metallurgiya zavodlarining konsentrat, ruda va chiqindilari tarkibidagi elementlarni tahlili (Au, Ag, Cu, Mo, Re)da, RETSCH PM400 Planitar Tegirmondan yangi mineral oʼgʼitlar qattiq granulalarini mayda shakllarini olishda foydalanilmoqda. Sarry 5000 spektrofotometridan yangi turdagi olingan suv tozalovchi adsorbentlardan foydalanganda suvdagi ogʼir metallarni tahlil qilishda keng qoʼllanilmoqda.
Maʼlumki, Oʼzbekiston Respublikasi Prezidentining 2017-yil 1-noyabrdagi PQ-336-son qarori hamda Oʼzbekiston Respublikasi Vazirlar Mahkamasi Rayosati Majlisining 2020-yil 19-noyabr 145-son bayoniga muvofiq Xorazm Maʼmun akademiyasida 2021-yil iyun oyidan kapital taʼmirlash ishlari boshlangan.
Shu munosabat bilan, Innovatsion rivojlanish vazirligi tomonidan Xorazm Maʼmun akademiyasiga yetkazib berilgan uskunalar, xususan, SETLINE rusumli universal oʼta sezgir differentsial skanerlovchi kalorimetrning turli salbiy omillar (chang, silkinish va h.k.) ga sezgirligi yuqori boʼlganligi hamda bu qurilmaning ishchi holatiga salbiy taʼsir qilishi mumkinligi inobatga olinib, konservatsiya holatida saqlanmoqda. Taʼmirlash ishlari tugagach uskunalar toʼliq ishga tushiriladi.
Shuningdek, vazirlik tomonidan Bioorganik kimyo institutiga yetkazib berilgan “ECLIPSE Ti2-U” rusumidagi invertorli fluoresan mikroskopi montaj qilinib, joriy yilning avgust oyida ishga tushirilgan.
Hozirgi kunda mazkur mikroskopda “Immunotrop va oʼsmaga qarshi tabiiy birikmalarni identifikatsiyasi va tuzilish-funktsional tadqiqoti” va “Yangi avlod rekombinant toksinlarini ishlab chiqishda ribosomani nofaollashtiruvchi oqsillarning tuzilishi va funktsiyasi” EАPI-2021-50 Yevroosiyo loyihasini bajarishda in vitro sharoitida rak hujayralari kulьturasida sitotoksik faollikni oʼrganish ishlari olib borilmoqda.
