OʼzR FА Gʼ.O.Mavlonov nomidagi Seysmologiya institutiga Rossiya Fanlar akademiyasi Geofizika markazi direktori, Rossiya Fanlar akademiyasi muxbir-aʼzosi Аnatoliy Аleksandrovich Solovyev, Geofizika markazi ilmiy kotibi, f.-m.f.n. Roman Igoryevich Krasnoperov hamda Geofizika markazi katta ilmiy xodimi, f.-m.f.n. Roman Viktorovich Sidorovlardan iborat delegatsiya tashrif buyurdi.
Tashrif 2019-yil 21-oktyabrda tuzilgan ilmiy-texnik hamkorlik toʼgʼrisidagi shartnoma asosida amalga oshirildi.
Institut ilmiy seminarida delegatsiya aʼzolari elektromagnetizm sohasiga oid maʼruzalar bilan ishtirok etib, oʼzaro fikr-mulohazalar almashildi. Hamkorlik toʼgʼrisidagi shartnoma asosida kelgusida amalga oshiriladigan ilmiy tadqiqot ishlari, Seysmologiya instituti yosh olimlarining malakasini oshirish boʼyicha kelishib olindi.
Tashrif davomida delegatsiya aʼzolari bilan birgalikda “Yangibozor” magnit-ionosfera obervatoriyasida doimiy kuzatuv ishlarini olib borish maqsadida zamonaviy magnitometrlar oʼrnatiladigan joylar dala kuzatuv ishlari asosida tekshiruvdan oʼtkazildi.
Uskunalar oʼrnatilishi mumkin boʼlgan pavilьonlar tanlandi. Keyingi bosqichda qilinadigan ishlar rejasi kelishib olindi.
