Qashqadaryo viloyati Shahrisabz shahrining Аmir Temur nomli moddiy madaniyat tarixi muzeyida Oʼzbekiston Respublikasi Fanlar akademiyasi Milliy arxeologiya markazi tomonidan Fargʼona vodiysi qadim va oʼrta asrlarga doir moddiy madaniyat namunalari davriy ketma-ketlikda tayyorlangan koʼchma koʼrgazmasi tashkil etildi.
Unda Аndijon, Buxoro, Surxandaryo, Qarshi muzeylari vakillari, Qashqadaryo viloyati madaniyat boshqarmasi boshligʼi va faxriylari, Qirgʼiziston Respublikasi Madaniyat vazirligi vakillaridan iborat delegatsiya hamda mahalliy qadimiyat muhlislari ishtirok etdi.
Koʼrgazmada qadim Fargʼonaning moddiy madaniyatiga dahldor boʼlgan osori atiqalar qatorida kulolchilik buyumlari, shu bilan birga qadimiy shaharlar madaniyatidan guvohlik beruvchi zargarlik buyumlari ham namoyish etildi.
