O'zbekiston Respublikasi fanlar akademiyasi

O'zbekiton Respublikasi Fanlar akademiyasi Botanika instituti  ,,Plant Diversity of Central Asia" (PDCA) jurnalining 2️-soni nashrdan chiqqanligini ma'lum qiladi. Jurnalning birinchi nashri joriy yilning yanvar oyida e'lon qilingan edi.

Ma'lumot o'rnida, mazkur jurnal (Markaziy Osiyo o'simliklari xilma-xilligi) Markaziy Osiyoda to'liq ingliz tilida botanika sohasidagi ilmiy maqolalarni chop etadigan birinchi xalqaro jurnal hisoblanadi.

Jurnalning mazkur sonida:

• Markaziy Osiyo florasi tadqiqotchisi va gerbariylari asoschisi, Sovet va O'zbekiston florasi monografiyalari muallifi, taniqli botanik - Aleksey Ivanovich Vvedenskiy (https://www.pdca.uz/site/pdf/20);
• Markaziy Osiyoda o'simliklarni muhofazasining noan'anaviy  uslublari (https://www.pdca.uz/site/pdf/21);
• Piyoz kenja turkumi 10 ta turining to'liq xloroplast genomi tavsifi (https://www.pdca.uz/site/pdf/22);
• O'zbekistondagi shirach turkumining morfologiyasi va taksonomik tavsifi (https://www.pdca.uz/site/pdf/23);
• Lola turkumining tarqalishida ta'sir qiladigan omillar (https://www.pdca.uz/site/pdf/25) kabi ilmiy maqolalar joy olgan.

Jurnalning onlayn nashri bilan quyidagi manzil orqali kirib tanishishingiz mumkin:

 https://www.pdca.uz/volumearticles?volume_id=2.