Xiva shahrida “Pahlavon Mahmud-hassos shoir, buyuk vatanparvar, yengilmas polvon va avliyolar ustozi” mavzusida xalqaro ilmiy-amaliy anjuman boʻlib oʻtdi.
Xorazm viloyati hokimligi, Xorazm Maʼmun akademiyasi, Oʻzbekiston Yozuvchilar uyushmasi Xorazm viloyat boʻlimi, Urganch Davlat universiteti va “Ichan qalʼa” davlat muzey-qoʻriqxonasi hamkorligida tashkil etilgan anjumanda ziyolilar, talaba yoshlar, shuningdek, qardosh respublikalardan ham vakillar ishtirok etishdi.Anjuman davomida Pahlavon Mahmud hayoti va ijodi aks etgan kitoblar koʻrgazmasi va buyuk ajdodimiz haqidagi badiiy-hujjatli filmni suratga olish jaryonlari aks etgan videorolik namoyish etildi.
