2021-yil 22-27-mart kunlari Xorazm Maʼmun akademiyasi raisi Ikrom Аbdullayev Ruminiyada ilmiy safarda boʼldi. Tashrif doirasida Ruminiyaning Kluj Napoka Qishloq xoʼjaligi va tibbiy veterinariya universiteti rektori prof. Kornel Katoy bilan ilmiy hamkorlik rivojlantirishga qaratilgan uchrashuv tashkil etildi. Unda ikki tashkilot oʼrtasida oʼzaro hamkorlik toʼgʼrisida Kelishuv memorandumi imzolandi.
Kelishuv doirasida olimlar oʼrtasida ilmiy hamkorlikni yoʼlga qoʼyish va kengaytirish, xalqaro loyihalarni amalga oshirish, hamkorlikda ilmiy maqolalar chop qilish va o'zaro tajribalar almashish koʼzda tutilgan.
