Hozirgi kunda dunyoda va respublikamizda xavfli oʼsma kassaligi aholi orasida keng tarqalib borayotgan kassaliklardan hisoblanadi. Аmalda qoʼllaniluvchi sitotoksik dori vositalarining organizmda sistematik nojoʼya taʼsirlarga ega ekanligi, yomon oʼzlashtirilishi hamda ularga nisbatan oʼsma hujayralarining rezistent boʼlib qolishi xafvli oʼsma kasalliklarini davolashning asosiy muammolari hisoblanadi. Kasallikni davolashning koʼplab yangi usullari va vositalari ishlab chiqilayotgan boʼlsa-da, sitotoksik pretaratlar bilan kimyoviy davolash ushbu kasallikni davolashning asosiy qismi boʼlib qolmoqda.
O`zR FA Biorganik kimyo instituti tomonidan tabiiy manbalardan oʼsmaga qarshi faollikka ega polisaxaridlarni ajratib olish va ularni faollik mexanizmlarini aniqlash, shuningdek, funksional polisaxaridlarni sitotoksik birikmalar bilan molekulyar konstruktsiyalash orqali zaharli taʼsirni kam boʼlgan, yoʼnaltirilgan taʼsirga ega yangi avlod dori vositalarini olish boʼyicha tadqiqotlar olib borilmoqda. Olib borilgan tadqiqot natijalari zamburugʼlardan ajratib olingan polisaxaridlar oʼsmaga qarshi immun tizimini faollashtirishi va xavfli oʼsmaga qarshi 40-60% faollik namoyon qilishini koʼrsatgan. Tadqiqotlar natijasida funksional polisaxridlarni sitotoksik birikmalar bilan molekulyar konstruksiyalash usullari ishlab chiqilgan va olingan namunalarning kam zaharlilgi hamda xavfli oʼsmaga qarshi 70-80% ingibirlovchi faollik namoyon qilishi aniqlangan.
