Soʼz mulkining sultoni, mutafakkir Mir Аlisher Navoiy tavalludining 580 yilligiga bagʼishlangan "Muhokamatu-l-lugʼatayn". Ilmiy-tanqidiy matn" kitobi "Fan" nashriyoti tomonidan 500 nusxada nashr etildi. Kitob OʼzR FА Аlisher Navoiy nomidagi davlat adabiyot muzeyi katta ilmiy xodimi Yusuf Tursunov tomonidan nashrga tayyorlandi. Masʼul muharrir f.f.n. Otabek Joʼraboyev.
Mazkur kitob Аlisher Navoiyning ikki til muhokamasiga atalgan ilmiy-badiiy asari – "Muhokamatu-l-lugʼatayn"ning manbashunoslik va matnshunoslik tadqiqiga bagʼishlangan. U avvalgi nashrlardan oʼz ilmiy qimmati bilan ajralib turadi. Birinchidan - asliyat (arab yozuvi)dagi ilmiy-tanqidiy matn, ikkinchidan - qoʼlyozmalar aro qiyosiy tadqiq, uchinchidan - tuzatilgan kiritmalar, jadvallar, 100 turkiy feʼlning jadvali, toʼrtinchidan - joriy yozuvga tabdil va zamonaviy oʼzbek tiliga oʼgirma, beshinchidan - asarning eng nodir qoʼlyozmasi foto-faksimilesi.
Kitob Navoiy ijodiyoti tadqiqotlari, matnshunos va umuman keng kitobxonlarga moʼljallangan.
