Oʼzbekiston Respublikasi Prezidentining 2022-yil 19-yanvardagi “Mahallalarda yoshlar bilan ishlash tizimini tubdan takomillashtirish chora-tadbirlari toʼgʼrisida” PQ-92-sonli qarori ijrosi boʼyicha Namangan viloyati Chust shahar Pansada MFYda uyushmagan yoshlar bilan “Yangi O‘zbekiston taraqqiyot strategiyasi” kitobining mazmun-mohiyati, “Harakatlar strategiyasidan - taraqqiyot strategiyasi sari”, “Jaholatga qarshi maʼrifat”, “Jinoyatchilik va huquqbuzarlikni oldini olish” va “Bugun dunyoda roʼy berayotgan siyosiy jarayonlar” mavzularida davra suhbati oʼtkazildi.
Suhbatda Oʼzbekiston Respublikasi Fanlar akademiyasi Mexanika va inshootlar seysmik mustahkamligi instituti yetakchi ilmiy xodimi, texnika fanlari nomzodi Saʼdillaxon Umarxonov va Respublika Maʼnaviyat va maʼrifat markazi Chust tuman bulinmasi bosh mutaxassisi Sobirxon Moʼminovlar ishtirok etishdi. Davra suhbati qizgʼin tarzda oʼtdi, taklif qilingan mehmonlar yoshlarning qiziqqan savollariga javoblar berishdi.
