Mexanika-moddiy jismlarning harakatini va ular orasidagi oʼzaro taʼsirni oʼrganadigan fandir. Ushbu fan sohasi qadim zamonlardan beri xalq farovonligini oshirishga xizmat qilgan, shu jumladan, M.T.Oʼrozboyev nomidagi Mexanika va inshootlar seysmik mustahkamligi instituti ham oʼzining 80 yillik faoliyati davomida mexanikaning elastiklik va plastiklik nazariyasi, nazariy va amaliy mexanika, qurilish mexanikasi,konstruktsiyalar mustahkamligi va zilzila bardoshligi, melioratsiya aerogidrodinamika va koʼp fazali muhitlar mexanikasi, tenglamalarini integrallash usullari va boshka sohalarida mexanikaning fundamental asoslarini rivojlantirishga munosib hissa qoʼshib kelmoqda.
Mazkur kitobda institutning tashkil topishi va 80 yillik faoliyati davrida zamonaviy mexanika fanini shakllanishi hamda respublikamiz iktisodiyot tarmoqlarini,texnika va texnologiyasini,sanoatini yanada rivojlanishiga oʼzlarining noyob kashfiyotlari bilan ulkan hissa qoʼshgan mashhur olimlarimiz faoliyati,institut tarkibidagi ilmiy laboratoriyalarning tashkil topish tarixi, ularda ilmiy izlanishlar olib borgan olimlar hamda erishilgan ilmiy natijalari keltirilgan.
