Oʻzbekiston Respublikasi Fanlar akademiyasida MIT Kuo-Sharper Farovonlik va tadbirkorlik markazi ijrochi direktori va MIT Sloan menejment maktabi katta oʻqituvchisi Dina H. Sherif boshchiligidagi delegatsiya mehmon boʻldi.
Mehmonlarni Fanlar akademiyasi vitse-prezidentlari Sirojiddin Mirzayev va Shaxlo Turdiqulova kutib olishdi. Uchrashuvda xalqaro innovatsion ekotizimlar bilan integratsiyani kuchaytirish va Oʻzbekistonda barqaror iqtisodiy oʻsishning tadbirkorlikka asoslangan modellarini joriy etish masalalari muhokama qilindi.
Muhokama davomida Fanlar akademiyasi faoliyati, uning tadqiqot salohiyati va strategik ustuvorliklari, shuningdek, 2026–2031-yillarga moʻljallangan Oʻzbekiston IT Parki bilan hamkorlikning strategik maqsadlarini muvofiqlashtirish masalalari muhokama qilindi. Tomonlar raqamli iqtisodiyot, sunʼiy intellekt, yashil texnologiyalar va biotexnologiya sohalarida qoʻshma dasturlarni ishlab chiqish imkoniyatlarini oʻrganib chiqdilar.
MIT bilan bogʻliq tadqiqot markazlari va amaliy innovatsion tashabbuslarni Oʻzbekistonga jalb qilish mexanizmlari ham muhokama qilindi.
Tashrif davomida tomonlar O'zbekistonning innovatsion ekotizimini rivojlantirish, akademik doiralar va xususiy sektor o'rtasidagi hamkorlikni mustahkamlash va xalqaro miqyosda raqobatbardosh tadqiqot muhitini yaratish bo'yicha qo'shma yo'l xaritasini ishlab chiqishga kelishib oldilar.
Ma'lumot uchun: MIT qoshidagi Kuo-Sharper farovonlik va tadbirkorlik markazi rivojlanayotgan bozorlarda barqaror, inklyuziv va mahalliy farovonlikka erishish vositasi sifatida innovatsion tadbirkorlikni rivojlantirishga qaratilgan yetakchi global akademik markazdir. O'zining stipendiyalari, venchur yaratish dasturlari, tajribasi va global hamkorligi orqali Markaz tadbirkorlarni mahalliy ish o'rinlarini yaratish, innovatsion ekotizimlarni mustahkamlash va rivojlanayotgan bozorlarni mo'l-ko'lchilik va imkoniyatlar markazlari sifatida global tushunchani o'zgartirish uchun ko'nikmalar, aktivlar va tarmoqlar bilan ta'minlaydi.
