Oʼzbekistonning Isroildagi elchisi F.Y.Maxmudova ko’magida Isroilning Xolon texnologiyalar instituti, Xorazm Maʼmun akademiyasi va Urganch davlat universitetlari onlayn uchrashuvi boʼlib oʼtdi.
Uchrashuvda Xolon texnologiyalar instituti prezidenti prof. E.Yakubov soʼzga chiqib, Oʼzbekiston bilan ilmiy aloqalar oʼrnatilgani va bu hamkorlikni Xorazm Maʼmun akademiyasi bilan oʼrnatish zarurligini taʼkidladi. Xorazm Maʼmun akademiyasi raisi b.f.d. I.I.Аbdullayev Xolon texnologiyalar instituti vakillarini Аkademiyaning faoliyati, qoʼlga kiritilgan yutuqlari bilan tanishtirdi va kelgusida hamkorlikda ishlash mumkin sohalarga toʼxtalib oʼtdi.
Uchrashuv davomida Xorazm Maʼmun akademiyasi olimlari oʼz loyihalari bilan isroillik olimlarni tanishtirdilar va tez kunda yana uchrashib batafsil rejalash ishlab chiqishga kelishdilar.
