Xorazm Maʼmun akademiyasi olimlari tomonidan yaratilgan gʼoʼzaning yangi istiqbolli “Xurma” va “Niyat” navlari Oʼzbekiston Respublikasi Prezidentining 2018-yil 14-iyuldagi “Ilmiy va ilmiy-texnikaviy faoliyat natijalarini tijoratlashtirish samaradorligini oshirish boʼyicha qoʼshimcha chora-tadbirlar toʼgʼrisida”gi PQ-3855-sonli qaroriga asosan tijoratlashtirish roʼyxatiga kiritilgan.
Ushbu navlarni keyingi yillarda katta maydonlarga ekish hamda urugʼlarini koʼpaytirish maqsadida Paxta seleksiyasi, urugʼchiligi va yetishtirish agrotexnologiyalari ilmiy-tadqiqot instituti Xorazm ilmiy-tajriba stantsiyasi dalasida “Xurma” navidan 300 ta oila 0,30 ga maydonga 13 kg, urugʼ koʼpaytirish uchun 98 ta oila 0,80 ga maydonga 62 kg urugʼlik chigit “Xurma” navi boʼyicha jami 1,10 ga maydonga ekilgan. “Niyat” navidan 300 ta oila 0,30 ga maydonga 13 kg, urugʼ koʼpaytirish uchun 95 ta oila 0,80 ga maydonga 62 kg urugʼlik chigit “Niyat” navi boʼyicha jami 1,10 ga maydonga ekilgan.
Bugungi kunda har ikkala navlarning urugʼlik chigitlaridan nihollar toʼliq unib chiqdi.
