SEYSMOLOGIYA (seysmo va logiya) — zilzilalar, ularning sodir boʻlish sabablari va oqibatlarini oʻrganadigan geofizika boʻlimi. Seysmologiya fizika va geologiya fanlari bilan uzviy bogʻliq. Zilzilalarni Yerning geologik tuzilishiga bogʻlab oʻrganadi. Seysmologiya vazifasi va tadqiqot usullariga koʻra, xususiy, seysmometriya va amaliy seysmologiyaga boʻlinadi. Koʻpchilikning seysmologiya haqida bilganlari shu. Biroq soha olimlari biladiki, uning ham oʻziga xos jihatlari, tarmoqlari bor. Oʻzbekiston Fanlar akademiyasi Seysmologiya instituti olimlari tomonidan yangi darsliklar chop etildi. Bu esa sohaga endi kirib kelayotgan yoshlar uchun juda kerakli qoʻllanmalar deyish mumkin.
