Joriy yilning 27-iyun – 8-iyul kunlari Fanlar akademiyasi Ilmiy kadrlar boshqarmasi tomonidan Oʼzbekiston Respublikasi Vazirlar Mahkamasining 2017-yil 22-maydagi 304-sonli “Oliy taʼlimdan keyingi taʼlim tizimini yanada takomillashtirish chora-tadbirlari toʼgʼrisida”gi qarori ijrosini taʼminlash maqsadida tizim tasarrufidagi ilmiy tashkilotlarda tahsil olayotgan doktorantlar hamda tayanch doktorantlar faoliyati monitoringi oʼtkazildi.
Monitoring jarayonida tashkilot rahbariyati ishtirokida 551 nafar tayanch doktorant (PhD), 59 nafar doktorantlar (DSc) bilan tasdiqlangan shaxsiy ish rejalarining bajarilishi, ilmiy faoliyatda mavjud boʼlgan muammo va takliflar toʼgʼrisida suhbatlar oʼtkazildi.
