Yagona aloqa raqami
  (+998) 71 2000036
;    
Ishonch telefoni
  (+998) 71 2335623

Dnk-shtrix-kodlash texnologiyasi asosida Oʼzbekiston florasining noyob oʼsimlik turlari barkodi yaratildi


Oʼzbekiston Respublikasi Fanlar akademiyasi Botanika instituti Molekulyar filogeniya va biogeografiya laboratoriyasi ilmiy xodimlari tomonidan DNK-shtrix-kodlash texnologiyasidan foydalangan holda Oʼzbekistonning noyob va yoʼqolib ketish xavfi ostida boʼlgan 4 turkumga mansub 31 oʼsimlik turlari 60 ta namunada barkodlandi.

Tadqiqotning asosiy maqsadi DNK shtrix-kodlarining maʼlumotnomalarini yaratish va tadqiqot obyektlarini aniqlash uchun praymerlarning kombinatsiyasini ishlab chiqishdan iboratdir.

Tadqiqot obyektlari oʼz ichiga Oʼzbekiston Respublikasi florasida uchraydigan Amaryllidaceae J. St.-Hil. (Nargisdoshlar), Chenopodiaceae Burnett (shoʼradoshlar), Lamiaceae Martinov (Yalpizdoshlar), Liliaceae Juss. (Loladoshlar), Iridaceae Juss. (Gulsafsardoshlar) oilalarning noyob, yoʼqolib ketish xavfi ostida boʼlgan va endemik turlarni olgan.

    

                                                           Tulipa L.                                         Iris L.                               Dracocephalum L.                               Salvia L.         

                                                 19 tur, 38 namuna                            4 tur, 8 namuna                        2 tur, 4 namuna                           6 tur, 10 namuna

Tadqiqotlar DNK ajratish, polimerlarni xalqali reaktsiyasi, sekvinerlash, bioinformatika dasturlari yordamida maʼlumotlarni tahlil qilish va maʼlumotlarni Global System BOLD v4-dasturiga yuklash (www.boldsystems.org) bosqichlarida amalga oshirildi.

Noyob va yoʼqolib ketish xavfi ostida boʼlgan turlarning DNK shtrix-kodi tabiatda noqonuniy brakonerlikka qarshi kurashda foydalanish uchun, shuningdek, bojxona tizimi faoliyatida muhofaza etiladigan oʼsimlik materiallari noqonuniy eksportini oldini olishga xizmat qiladi.


Yangiliklarni telegram kanalimizda kuzatib boring!