“O‘zbek tili va adabiyoti” jurnalining muassisi O‘zbekiston Respublikasi Fanlar akademiyasi hisoblanadi. Jurnal 1958-yildan buyon nashr etiladi. O‘zbekiston Respublikasi matbuot va axborot agentligi tomonidan 2017-yil 19-oktabrda ro‘yxatga olingan. Guvohnoma № 0053.
“O‘zbek tili va adabiyoti” – o‘zbek tilshunosligi va adabiyotshunosligi masalalarini keng yorituvchi mamlakatimizdagi yagona ilmiy-akademik jurnal. Jurnalda ilmiy-adabiy jarayon tahlil qilinib, o‘zbek tili va adabiyoti, folklor sohasida olib borilayotgan ilmiy tadqiqotlar, bu fanlardagi eng so‘nggi izlanishlar natijalari, muhim va dolzarb muammolar, bahs-munozaralar, mumtoz merosimizning e’lon qilinmagan namunalari, shuningdek, tilshunoslik, adabiyotshunoslik va folklorshunoslikka oid nazariy masalalar yoritib boriladi.
Jurnal tili: o‘zbek tili.
Maqsadi va vazifalari: Tilshunoslik, adabiyotshunoslik va folklorshunoslikning muhim nazariy masalalari va dolzarb muammolariga bag‘ishlangan ilmiy va munozarali maqolalarni yoritib borish, bu fanlardagi eng so‘nggi izlanishlar natijalari, yangi tadqiqotlar bilan keng o‘quvchilar ommasini tanishtirib va boshqalar.
Ixtisosligi: Jurnalda tilshunoslik, adabiyotshunoslik va folklorshunoslik yo‘nalishidagi maqolalar chop etiladi.
Tarqatish hududi: O‘zbekiston Respublikasi
Davriyligi: Ikki oyda bir marta
Moliyalashtirish manbai: Asosiy moliyalashtirish obuna tushumi hisobidan.
Hajmi: 70x108 formatda, 128 sahifada.
Adadi: obunachilar soniga ko‘ra belgilanadi.
Bosh muharrir
Mahmudov Nizomiddin Mamadaliyevich
Tug‘ilgan sanasi: 1951-yil 9-yanvar
Tug‘ilgan joyi: Farg‘ona viloyati
Yo‘nalishi: Tilshunoslik
O‘zbek tili, adabiyoti va folklori instituti direktori (2010-yildan hozirgacha)
U 1978-yilda nomzodlik, 1984-yilda doktorlik dissertatsiyalarini himoya qilgan, 1988-yilda unga professor ilmiy unvoni berilgan. 1991-yilda O‘zbekistan Yozuvchilar uyushmasi a’zoligiga qabul qilingan.
N.Mahmudov keng qamrovli filolog sifatida tilshunoslik, adabiyotshunoslik, madaniyatshunoslik, ma’naviyat-ma’rifat masalalari bo‘yicha izlanishlar olib boradi. Uning mazkur yo‘nalishlarda e’lon qilgan 400 ga yaqin ishlarining 50 dan ortig'i alohida kitoblardir. 14 fan nomzodi va 4 fan doktori tayyorlagan.
“Do‘stlik” ordeni bilan taqdirlangan (2018).
|
Manzil: |
100060, O‘zbekiston, Toshkent shahri. Shahrisabz tor ko‘chasi, 5-uy |
|
Telefon: |
(+998-71) 233-36-50 |
|
Faks: |
(+998-71) 233-71-44 |
|
E-mail: |
“O‘zbek tili va adabiyoti” jurnali uchun taqdim etiladigan maqolalar matni kompyuterda Wordning 14 shrift 1,5 intervalda A4 formatli standart oq qog‘ozning bir tomonida yozilgan bo‘lishi va 2 nusxada elektron shakli bilan birga topshirilishi shart.
Maqolaga uning o‘zbek, ingliz va rus tillaridagi qisqacha asosiy mazmuni, tayanch so‘z va iboralar hamda muallif haqidagi muxtasar ma’lumot ilova qilinishi talab etiladi.
Maqola aniq va ravshan, xatosiz terilgan bo‘lishi, 8–10 sahifadan oshmasligi kerak. Jurnalga kelgan maqola taqrizga beriladi va ijobiy taqriz olgan taqdirda jurnaldi chop etiladi.
Maqolalarda foydalanilgan misol, ko‘chirma, ma’lumotlarning aniqligi uchun mualliflar javobgar hisoblanadi.
