Oʼzbekiston Respublikasi Fanlar akademiyasi Mikrobiologiya institutida “Oʼzbekneftegaz” АJ rahbar xodimlari bilan uchrashuv boʼlib oʼtdi.
Uchrashuvda oʼzaro manfaatli hamkorlik masalalari muhokama qilindi. OʼzR FА Mikrobiologiya institutining Eksperimental binosini taʼmirlash hamda Oʼzbekistonning turli ekstremal hududlarida neft chiqindilari bilan ifloslangan suv va tuproq bioremediatsiyasi sohasida qoʼshma tadqiqotlar olib borish boʼyicha yangi statsionar laboratoriyani tashkil etish boʼyicha “Yoʼl xaritasi” tasdiqlandi.
