Oʼzbekiston Respublikasi Fanlar akademiyasi prezidenti B.S.Yuldashev ham FА bosh ilmiy kotibi Gʼ.А.Baxadirovlar Qozogʼiston Milliy fanlar akademiyasi prezidenti M.Jurinov taklifiga binoan Qozogʼistonda safarda boʼlib turibdilar.
Safar davomida Qozoq Milliy agrar universitetida uchrashuv oʼtkazildi. Unda ikki davlat ilmiy hamkorlik aloqalarini yanada mustahkamlash, kengaytirish, yangi istiqbolli loyihalarni amalga oshirish masalalari muhokama qilindi.
Uchrashuvda OʼzR FА prezidenti B.S.Yuldashevga Qozoq Milliy agrar universiteti Faxriy professori unvoni topshirildi.
