O’zR FA Matematika instituti tashabbusi bilan Oliy taʼlim muassasalarida faoliyat yuritayotgan matematika sohasidagi kafedra mudirlari hamda professor-oʼqituvchilar uchun xorijiy yetakchi oliy taʼlim muassasalari ilmiy-tadqiqot institutlari bilan hamkorlikda “onlayn” malaka oshirish darslari vebinar shaklida tashkil etilmoqda. 2020-yil 7-iyul kuni vebinarda MARA texnologiyasi universtiteti, Malayziya (Universiti Teknologi MARA -UiTM) professori Isomiddin Raximov maʼruzachi sifatida ishtirok etdi. Vebinarda Malayziya davlatida matematika fani va uning rivoji uchun yaratilgan sharoitlar, universitetlarda matematika taʼlim yoʼnalishdagi va boshqa yoʼnalishdagi talabalariga matematika fanini oʼqitish metodologiyasi, rejalari va dasturlari hamda ilmiy faoliyatlarning qanday tashkil etilganligi toʼgʼrisida maʼlumot berildi.
