Yagona aloqa raqami
  (+998) 71 2000036
;    
Ishonch telefoni
  (+998) 71 2335623

Qoʼyqirilganqalʼa maqbarasidan topilgan oʼtirgan ayol tasvirli ostodon haqida bilasizmi?


Qoʼyqirilganqalʼa maqbarasidan topilgan oʼtirgan ayol tasvirli ostodon hozirda OʼzR FА Oʼzbekiston tarixi davlat muzeyida saqlanadi. Bu Muzey kolleksiyasidagi eng qadimgi ostodondir.

Ostodonlar — loy qutilardan iborat boʼlib, zardushtiylar taomili boʼyicha unga oʼlgan odam suyaklari joylangan. Ostodonlar Oʼzbekistonning turli tumanlaridan topilgan, ular shakli, hajmi, ijro usuli, gul va naqshlari va tasvir syujetiga qarab xilma-xil boʼladi. Ostodonlarning ayrimlarida oʼlganga aza tutib yigʼlash sahnalari aks ettirilgan, boshqa diniy ko`rinishlar ham uchraydi. Ostodonlardan birining qopqogʼidagi dafn haykalchasi savlat toʼkib oʼtirgan yosh ayol qiyofasini aks ettiradi. Uslub jihatidan haykalcha zardushtiylik ilohini aks etdiruvchi haykalchalarga oʼxshab ketadi. Qoʼyqirilganqalʼa qalʼasi qadimgi Xorazmning mashhur yodgorliklaridan biri boʼlib, eramizdan avvalgi IV asrdan boshlab eramizning III - IV asrlarigacha davom etib kelgan zardushtiylikda dafn va sigʼinish marosimlari oʼtkaziladiganehrom hisoblangan. Toʼgʼri doiralar shaklida, tashqi va ichki devorlar bilan qurshalgan, bir-biridan 18–26 m. uzoqlikda joylashgan 9 ta minorasi bor. Tashqi devordan 15 m. narida ibodatxonaning oʼzi joylashgan boʼlib, diametri 40 m. keladi. Devorlarning saqlanib qolgan eng baland joyi — 7,5 m.


Yangiliklarni telegram kanalimizda kuzatib boring!