O’zbekirston Respublikasi Fanlar akademiyasi “Quyosh energiyasi xalqaro instituti” MChJ va Janubiy Koreyaning “Association of Kerea Energy 4.0” assotsiatsiyasi hamda “Jeongin System Co., Ltd.” kompaniyalari bilan hamkorlikda tayyorlangan “Oʼzbekiston qishloq xoʼjaligida Quyosh fotoelektrik texnologiyalarini qoʼllagan holda aqlli suv nasos stantsiyalarini ishlab chiqish” texnik-iqtisodiy asoslash loyihasi (“Feasibility study on development of smart water pump station using solar PV technologies in Uzbekistan”) boʼyicha uchrashuv oʼtkazildi.
Koreyalik hamkorlar oʼzlarining tashkilotlarida olib borilayotgan ilmiy-amaliy izlanishlar va Oʼzbekistonda “4-sanoat revolyutsiyasi” texnologiyalarini qoʼllagan holda suv nasos stantsiyalarini yaratish boʼyicha takliflari bilan oʼrtoqlashdi. Uchrashuv yakunida oʼzaro hamkorlik toʼgʼrisida Kelishuv imzolandi.
Loyiha doirasida Toshkent viloyatida va boshqa bir qator viloyatlarda kichik, oʼrta va katta quvvatga ega quyosh texnologiyalari asosida pilot suv nasos stantsiyalarini ishlab chiqish, oʼrnatish va monitoring qilish amalga oshiriladi. Loyiha bajarilishi natijasida Quyosh texnologiyalari asosida zamonaviy suv nasos stantsiyalarini qishloq xoʼjalik obektlarida samarali va keng miqyosda qoʼllash boʼyicha takliflar ishlab chiqiladi.
