Joriy yil 4-mart kuni Аlisher Navoiy nomidagi Toshkent davlat oʼzbek tili va adabiyoti universitetida Davlat tilini rivojlantirish departamenti tomonidan FА Oʼzbek tili, adabiyoti va folklori instituti direktori, f.f.d, professor N.Mahmudov, f.f.n., dotsent Аbduvahob Madvaliyev, f.f.n., dotsent N.Mahkamov hamda PhD D.Аndaniyozovalar tomonidan tuzilgan, f.f.d., professor Y.Odilov muharrirligi ostida nashr etilgan “Oʼzbek tili meʼyorlari (punktuatsiya)” kitobi taqdimoti oʼtkazildi.
Taqdimotda Davlat tilini rivojlantirish departamenti vakillari, kitob mualliflari hamda davlat organlari va tashkilotlari rahbarlarining maʼnaviy-maʼrifiy ishlar va davlat tilini rivojlantirish masalalari boʼyicha maslahatchilari ishtirok etdi.
Mazkur kitobda zamonaviy oʼzbek punktuatsiyasi meʼyorlari, tinish belgilarining qoʼllanishi kabi turli masalalar haqida fikr yuritiladi. Unda punktuatsiyaning maqsadi va nazariy asoslari, oʼzbek punktuatsiyasi tarixi, asoslari, tamoyillari hamda asosiy qoidalari atroflicha izohlangan.
