Yagona aloqa raqami
  (+998) 71 2000036
;    
Ishonch telefoni
  (+998) 71 2335623

Orol dengizi va orolboʼyining geoekologik muammolarini hal qilishga qaratilgan ilmiy ishlar natijalari muhokama qilindi


Oʼzbekiston Respublikasi Fanlar akademiyasi Qoraqalpogʼiston boʼlimida "Orol dengizi va orolboʼyining geoekologik muammolari va ularning innovatsion yechimi" mavzusida ilmiy-amaliy seminar tashkil etildi.

Seminarda OʼzR FА Qoraqalpoq tabiiy fanlar ilmiy-tadqiqot instituti, OʼzR FА Seysmologiya instituti, Oʼzbekiston milliy universiteti, Qoraqalpoq davlat universiteti va Nukus davlat pedagogika institutlari yetakchi olimlari, tadqiqotchilari ishtirok etdi.

 

 

Seminarning asosiy maqsadi OʼzR FА Seysmologiya instituti va OʼzR FА Qoraqalpogʼiston boʼlimi, Qoraqalpoq davlat universiteti, Nukus davlat pedagogika instituti olimlari hamda professorlari, magistrantlari bilan ilmiy hamkorlik, ilmiy tajriba almashish, kelgusida birgalikda amalga oshiriladigan ilmiy tadqiqotlarni oʼzaro kelishib olishdan iboratdir.

Ilmiy seminarda Orol dengizi qurigan tubidan ko‘tarilayotgan tuz va qum migratsiyasini GIS texnologiyalari asosida kartografik modellashtirish, Orolbo‘yi mintaqasi tabiiy komplekslarni zamonaviy GАT texnologiyalari asosida tizimli kartalashtirish, Qashqadaryo viloyatida tabiatdan notoʼgʼri foydalanish oqibatlari va uni yaxshilashning ekologik-geografik asoslari, Аmudaryoning quyi oqimi suv-botqoq qushlarining ekologiyasi, Orolbo‘yi mintaqalaridagi tuz boʼroni aerozollarini ekologik baholash, Qoraqalpogʼiston Respublikasida qishloq xoʼjaligi rivojlanishining oʼziga xos xususiyatlari mavzularida maʼruzalar tinglandi va muhokama qilindi.


Yangiliklarni telegram kanalimizda kuzatib boring!