Yagona aloqa raqami
  (+998) 71 2000036
;    
Ishonch telefoni
  (+998) 71 2335623

"Ilm-fan va innovatsiya rivoji bugungi kun talabiga javob beradimi?" mavzusida matbuot anjumani o’tkazildi


Bugun, 10-dekabr kuni Аxborot va ommaviy kommunikatsiyalar agentligida "Ilm-fan va innovatsiya rivoji bugungi kun talabiga javob beradimi?" mavzusida matbuot anjumani boʼlib oʼtdi. Matbuot anjumanida 2020-yil 3-dekabr kuni Oʼzbekiston Respublikasi Prezidenti Sh.Mirziyoyev rahbarligida “Ilm-fan va innovatsiyalarni rivojlantirish borasida oliygoh, ilmiy tashkilotlar, tarmoq va hududlar oldidagi ustuvor vazifalar”ga bagʼishlangan yigʼilishda berilgan topshiriqlar ijrosi muhokama qilindi.

Unda Oʼzbekiston Respublikasi Fanlar akademiyasi, Oliy taʼlim vazirligi va Innovatsion rivojlanish vazirligi mutasaddi xodimlari ishtirok etdi.

Fanlar akademiyasi bosh ilmiy kotibi Gʼayrat Bahodirov olimlar tomonidan yaratilgan ilmiy ishlar toʼgʼrisida gapirar ekan, “7-9-dekabr kunlari Innovatsion rivojlanish vazirligida ilmiy tashkilotlar, xususan, FА ilmiy-tadqiqot muassasalari tomonidan yaratilgan iqtisodiyotning u yoki bu tarmoqlariga joriy etishga tayyor boʼlgan ilmiy ishlanmalar taqdimoti oʼtkazildi. Hozirda ular birgalikda qizgʼin ishlar olib borilmoqda. Man oʼylamanku, bu albatta, tez orada oʼz natijasini beradi” dedi.

Shuningdek, anjumanda olimlar tomonidan yaratilayotgan ishlanmalar, ularning amaliyotga kam joriy etilayotganligi va buning sabablari, tashkilotlar oldidagi muhim vazifalar muhokama qilindi. Jurnalistlar tomonidan berilgan savollarga javoblar berildi.

 


Yangiliklarni telegram kanalimizda kuzatib boring!