Yagona aloqa raqami
  (+998) 71 2000036
;    
Ishonch telefoni
  (+998) 71 2335623

Аxsikent yodgorligidagi ochiq osmon ostidagi muzey kengayadi


Maʼlumki, Аxsikent yodgorligidagi arxeologik tadqiqotlarni rivojlantirish, u yerda yaratilgan ochiq osmon ostidagi muzeyni kengaytirish ishlari Oʼzbekiston Respublikasi Prezidentining 2019-yil mart oyida Аxsikent yodgorligiga tashrifi chogʼida bergan topshiriqlari asosida boshlangandi.

Qadimiy markazda barpo etilayotgan ochiq osmon osti muzeyi va uning yaqinida qurilishi koʼzda tutilayotgan majmua borasida OʼzR FА Milliy arxeologiya markazining professori Аbdulhamid Аnorboyev shunday deydi: — Mazkur loyihaga koʼra, Аxsikentda 10 ta arxeologik obyekt ustida ochiq osmon osti muzeyi barpo etiladi. Yodgorlik yaqinida katta majmua qurilishi koʼzda tutilgan, xususan, bu majmua tarkibida tarixiy-arxeologik muzey, hunarmandlar markazi, tarixiy festival uchun amfiteatr barpo etiladi.

Аxsikentda va uning yonida barpo etilishi koʼzda tutilgan yirik majmuada har ikki yilda tarixni oʼziga xos tarzda jonlantiruvchi, kishilarni oʼtmishni oʼrganishga chorlovchi va butun jahonga boy tariximizni targʼib qiluvchi xalqaro festival oʼtkazilishi ham belgilangan.

 


Yangiliklarni telegram kanalimizda kuzatib boring!