OʼzR FА Milliy arxeologiya markazi va Markaz filiali Samarqand arxeologiya institutida Oʼzbekiston Respublikasi hududida 2020-yilda olib borilgan arxeologik tadqiqotlar natijalariga bagʼishlangan hisobot sessiyasi boʼlib oʼtdi.
Pandemiya munosabati bilan respublika hududida 15 ga yaqin ekspeditsiyalar faoliyat olib borgan. Sessiyada olib borilgan tadqiqotlar natijalari, olingan yangi ilmiy xulosalar, arxeologik yodgorliklarning saqlanish holati va kelajakda oldinga qoʼyilgan vazifalar toʼgʼrisida batafsil toʼxtalib oʼtildi.
Hisobot sessiyasida maʼruzasi bilan qatnashgan ishtirokchilarning hisobotlari tahlil qilindi hamda 2021-yil dala tadqiqotlari mavsumiga chiqish borasidagi tashkiliy va amaliy ishlar muhokama qilindi.
